Rexhepi: Barrikadën, nëse nuk e heq presioni ndërkombëtar, do ta heqim ne

Ministri në largim i Punëve të Brendshme, Bajram Rexhepi, ka thënë se reagimi i Policisë së Kosovës, në raport me protestat e sotme në Mitrovicë ka qenë i shkëlqyeshëm.“Siç edhe ka vlerësuar KFOR, Policia e Kosovës e ka kryer detyrën e vetë në mënyrë të shkëlqyeshme”, ka thënë Rexhepi.

Duke u ndërlidhur me faktin se përfaqësues të serbëve të Veriut në Mitrovicë kanë vendosur përsëri barrikada në urën e lumit Ibër, Rexhepi ka thënë se Qeveria e Kosovës është dhe ka qenë e angazhuar në zgjidhjen e situatës nëpërmjet dialogut.

“Realisht në vazhdimësi jemi në koordinim edhe me Brukselin e Washingtonin. Presim që ata të vazhdojnë të bëjnë presion në Beogradin që barrikada të hiqet. Nëse kjo nuk ndodhë, në ditët e ardhshme do ta heqim ne”, ka thënë Rexhepi për Klan Kosova. /Telegrafi/