Rexhep Kadriu, viziton Stublinën e dëmtuar nga breshëri

Gjilan – Shiu i furishëm dhe breshëri që ka rënë dje në Gjilan, ka dëmtuar rëndë kulturat bujqësore të shumë fshatrave të komunës së Gjilanit.Për të parë këto dëme këtë fshat të mërkurën e ka vizituar Rexhep Kadriu kandidatë për kryetar komune nga radhët e AAK-së.

Si rezultat i kësaj, kryetari i AAK-së në Gjilan Rexhep Kadriu, të mërkurën ka vizituar fshatin Stublinë, fshat ky i dëmtuar rëndë nga breshëri i djeshëm. Kadriu me vet-iniciativë vizitoi këtë fshat për të parë nga afër nivelin e dëmeve të shkaktuara dhe për të shprehur gatishmërinë për ofrimin e ndihmës, nëse kjo konsiderohet e nevojshme.

Agim Qerimi, banor i fshatit Stublinë, tha se dëmet e shkaktuara janë shumë të mëdha dhe se të gjitha kulturat bujqësore janë shkatërruar pothuajse tërësisht. Ai shpreson se organet përgjegjëse komunale, do të ndërmarrin hapat e duhur për të ndihmuar banorët e dëmtuar.

Ndërsa, pavarësisht deklarimeve të Drejtorisë për Bujqësi në kuadër të komunës, se dëmet nuk janë të mëdha dhe se komuna nuk ka buxhet për ofrimin e ndihmës në rastet e fatkeqësive natyrore, për banorët e dëmtuar, një zgjidhje e e ngutshme është mase e nevojshme, në veçanti për ata që sigurojnë të ardhurat për jetesë, pikërisht nga bujqësia ka thënë Kadriu./rajonipress/