Rexhep Kadriu: Gatishmëria e juaj paralajmëron se fitorja do të jetë bindëse

Gjilan – Zhegra pozicionohet përkrah koalicionit fitues, me bindjen e thellë se me Ramush Haradinajn kryeministër, Kosova do të ketë zhvillim të qëndrueshëm ekonomik, krijimin e kushteve për investitor të huaj në mënyrë që të gjenerohen vende të reja pune ka thënë Rexhep Kadriu.

Kreu i Aleancës për Ardhmërinë e Kosovës, dega në Gjilan, njeherit nënkryetar i komunës së Gjilanit dhe kandidat për deputet në Kuvendin e Kosovës tha se ngado që po shkojmë e po takojmë qytetarë, po shohim një gatishmëri të madhe qytetare për ndryshime. “S’ka dyshim në fitoren e koalicionit tonë, por ne duhet të angazhohemi që fitorja të jetë edhe e pastër edhe bindëse, në mënyrë që pas 11 qershorit t`i formojmë institucionet vet dhe t`i qojmë proceset përpara. Kandidatët nga Gjilani janë garancë se Anamorava do të jetë pikënisje e punës së qeverisë së re të Kosovës, dhe se Gjilani nuk do të jetë e bllokuar kundrejt buxhetit të shtetit, por do ta marr hisen e vet që i takon” , tha Rexhep Kadriu./rajonipress/