Revoltohet Luta: Mos na i mbyllni stadiumin se do e vërshojmë qendrën e qytetit
Gjilan – Lutfi Haziri kandidatë i LDK-së për kryetar të Gjilanit është paraqitur i revoltuar këtë të diele. Ai në një konferencë për medie akuzojë pushtetin siç u shpreh ai në ikje për shkak se i kanë kthyer përgjigje negative për të mos e mbajtur tubimin përmbyllës të LDK-së në stadiumin e qytetit në Gjilan. Haziri tha se ky është shantazhë dhe kërcënim i fundit i pushtetit në ikje dhe ne pavarësisht kësaj do të nisemi në drejtim të stadiumit sepse populli po na përkrah masovikisht tha ai.
“PDK-në e Gjilanit e ka kapur paniku dhe dehja nga tubimet tona masive dhe të shumta që po na përkrahin gjithkah në fshatra e qytete”. Kështu u shpreh Lutfi Haziri të dielën në një konferencë të jashtëzakonshme për medie derisa ka akuzuar pushtetin në ikje për mos dhënien e lejes për të përmbyllur fushatën në stadiumin e qytetit në Gjilan raporton rajonipress.
Haziri tha se në arsyetimin e pushtetit komunal shkruan se ne po mbajmë aktivitet propagandistik dhe ky është një gjest arrogance që po demonstron pushteti në ikje.”Kjo arrogancë dhe sjellje e tepruar nuk e ndalë LDK asnjëherë nga synimi i saj sepse nëse na mbyllen dyert e stadiumit do ta vërshojmë tërë qendrën e qytetit. Ende ka kohë dhe unë shpresoj se të mërkurën do të jemi në stadiumin e qytetit sepse pjesëmarrja masive e tubimeve të LDK-së e ka dehur pushtetin në ikje”.
Haziri tha se ky pushtet nuk mundet dhe nuk guxon të mbyllë portat e pronës publike.”Ne do të ndërpremë të gjitha komunikimet me pushtetin derisa ata mos të kthejnë një përgjigje të arsyeshme dhe e bazuar në ligj” tha Haziri i cili ka sqaruar edhe rreth dezinformatave që po lëshon PDK-ja rreth raporteve të tij me Fatmir Rexhepin. “Fatmir Rexhepi do të mbetet miku im më i mirë dhe askush nuk ka të drejtë të ndërhyjë në këtë mes. Rexhepi ka qenë dhe është pjesë e LDK-së “ tha Haziri.
Ndryshe Haziri e ka akuzuar Hashim Thaçin se po i shantazhon qytetarët e Gjilanit me presionet e tij.”Thaçi duhet ta kuptojë se Gjilani dhe Anamorava nuk janë Drenicë që të loz me ta kur të dojë dhe si të dojë” tha Haziri.
Haziri tha se është e padrejtë që po thirren shërbyesit civil dhe punëtorët e kompanive publike që përmes listave të bëhet presion tek ta për ditën e votimit. “Këto shantazhe janë të fundit që mund t`i ndodhin Gjilanit”..
Ndryshe Haziri e ka quajtur të suksesshme fushatën 3 javore të LDK-së pasiqë sipas tij janë mbajtur 79 tubime dhe të gjitha ishin masive. Haziri tha se kërkesa kryesore e qytetarëve dhe atyre në fshatra është largimi i keqqeverisjes.
Sipas tij pas 4 nëntorit do të fuqizohen fshatrat dhe roli i këshilltarëve komunal derisa shumica e buxhetit do të dedikohet për nevojat e ekonomisë familjare. “Do të ulen 100 % qiratë e bizneseve, do të ulen taksat dhe vlera bazike e tyre e cila është barrë e rëndë për bizneset”.
Ndryshe Haziri tha se për këto tri javë ka kuptuar se Gjilani ndodhet në një gjendje të rëndë pasiqë ka më shumë se 3 milion euro borxhe.”Kemi një situatë kaotike të keqëmenaxhimit buxhetor dhe kjo ka ndodhur pikërisht nga kjo qeverisje në ikje derisa ende bosi i PDK-së nga Prishtina po ka fytyrë të premtojë miliona për Gjilanin. “Kësaj radhe gjilanasit do të votojnë për të ardhmen e tyre më të sigurt dhe jo për njerëzit që e zhytin në krim, hajni e korrupsion” tha Haziri./rajonipress/