Pasivizimi i vendbanimeve në baza etnike në Komunën e Bujanocit është shkelje e të drejtës elementare njerëzore kanë vlerësuar Reshat Salihu e Nazim Hajdini.
Njoftimi i plotë
Të nderuar qytetarë të Komunës së Bujanocit: Me inicimin e Kryetarit Bashkësisë Lokale të Breznicës z. Nazim Hajdini zhvilluam një bisede telefonike.
Dy kryetarët e BL të Breznicës e Dobrosinit z.Nazim Hajdini dhe unë Reshat Salihu. Temë diskutimi ishte pasivizimi i vendbanimeve për Shqiptarët e Komunës së Bujanocit që bëhet nga shteti Serb. Në këtë bisedë u shprehë shqetësimi dhe u dakorduam që ditëve në vijim të zhvillojmë një takim të përbashkët gjithë Kryetarët e BL shqiptare në Komunën e Bujanocit, për të biseduar më detalishtë dhe për të bërë një kërkesë me shkrim së bashku organeve kompetente!
Pasivizimi i vendbanimeve në baza etnike në Komunën e Bujanocit është shkelje e të drejtës elementare njerëzore. Takimi do të koordinohet në ditët në vijim me gjithë BL në Komunën e Bujanocit thuhet në njoftimin e Nazim Hajdinit kryetarë i BL Breznicë dhe Reshat Salihu kryetarë i BL Dobrosin./rajonipress/
