Reperi Sido kundër dëbimit nga Gjermania të reperit kosovar, Prince-H

Këngëtari i njohur gjerman i rapit, Sido, ka treguar solidaritet me kolegun e tij, reperin me prejardhje nga Kosova, Prince-H (Hikmet Prizreni) i cili po mbahet në burgun për dëbim nga Gjermania. I vetmi faj për të cilin Hikmeti po mbahet në burg dhe pritet të deportohet në Kosovë, thotë Sido, është, statusi i refuzuar i azilit. Ai ka 27 vite që jeton në Gjermani dhe së shpejti mund të detyrohet ta braktisë këtë vend, shkruan hiphopholic.de/.

«Kolegu im reper Hikmet aka Prince-H ka disa probleme me këtë shtet dhe po mbahet në burgun për deportim. Çfarë krimi ka bërë ai? Asnjë. Përse mbahet në burg? Sepse i është hedhur poshtë kërkesa për azil», shpjegon Sido.

Nisur nga kjo, Sido apelon për ndihmë, që të sigurohet një shumë parash për t`ia mundësuar kolegut të tij një avokat i mirë. Për ta realizuar këtë, ai ka thirrur të gjithë për pjesëmarrje në një party solidarizimi që do të mbahet të martën./albinfo/