Renditja e re e FIFA-s – Kosova ngjitet në pozitë rekorde, Shqipëria nuk ndryshon vend

FIFA ka publikuar renditjen e re për ranglistën e Kombëtareve më të mira të futbollit në botë.

Gjatë muajit janar u zhvilluan disa ndeshje eliminatore për Euro 2020, por edhe në kontinentet tjera për garat përkatëse.

Pas këtyre ndeshjeve të zhvilluara, FIFA ka publikuar renditjen e re me disa ndryshime të bëra shkaku i rezultateve të marra.

E tillë është edhe Përfaqësuesja e Kosovës, e cila ka pasur ngritje në ranglistë pas rezultatit pozitiv me Çekinë.

Dardanët janë ngjitur nga vendi 120 në të 119-tin, pozitë kjo rekord për Kosovës, e cila tani numëron 1164 pikë, nga 1149 që kishte në renditjen paraardhëse.

Kosova, në vendin e 119-të

Në anën tjetër, Kombëtarja e Shqipërisë nuk ka pasur asnjë ndryshim, pasi vazhdon të mbetet në pozitën e 64-të të FIFA-s.

Renditja vazhdon të kryesohet nga Belgjika e vendit të parë e ndjekur nga Franca, Brazili, Anglia dhe Portugalia. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).