Remzije Osmani si një vajzë e re…

Remzie Osmani cilësohet si një nga këngëtaret më të mira të muzikës popullore.

Ajo ka vite që është pjesë e skenës muzikore, ku numëron një numër të madh këngësh të cilat gjithmonë janë shndërruar në hite.

E duke qenë se agjenda e saj është mjaft e ngjeshur me koncerte si brenda por edhe jashtë vendit, edhe kujdesi ndaj paraqitjes së jashtme nuk mungon.

“Vitet janë thjesht numra”, shprehje kjo që i përshtatet më së miri këngëtares.

Remzie Osmani ka vetëm disa muaj që realizoi projektin “Telat e zemrës”, në bashkëpunim me Era Rusin, projekt ky i cili rezultoi mjaft i suksesshëm ku numëron mbi 15 milionë shikime në Youtube.