Remitancat mbajnë gjallë Kosovën

Sikur të mos ishin këto mjete të emigrantëve kosovarë, që në vit kapin shifrën e mbi 600 milionë eurove, sipas ekspertit të ekonomisë, Haki Shatri, përqindja e varfërisë në Kosovë do të ishte shumë më e madhe.

Dërgesat e diasporës, jetike për konsumin

Tremujori i parë, me rritje 21.7 për qind

Sikur të mos ishin këto mjete të emigrantëve kosovarë, që në vit kapin shifrën e mbi 600 milionë eurove, sipas ekspertit të ekonomisë, Haki Shatri, përqindja e varfërisë në Kosovë do të ishte shumë më e madhe

Bazuar në të dhënat e pjesës së parë të këtij viti, që i ka bërë publike BQK-ja, mësohet se dërgesat e mërgimtarëve (remitancat) kanë qenë një financues i rëndë- sishëm i konsumit dhe investimeve në vend, më shumë se 150 milionë euro. Sipas të dhënave të Bankës Qendrore, dërgesat e mërgimtarëve paraqesin kategorinë më të madhe në kuadër të llogarisë së të ardhurave dytësore dhe po vazhdojnë që të kontribuojë në ngushtimin e deficitit të llogarisë rrjedhëse.

Sipas BQK-së, vetëm në tremujorin e parë të vitit 2015 vlera e remitancave të pranuara në Kosovë arriti në 159.3 milionë euro, që është një rritje prej 21.7 për qind krahasuar me periudhën e njëjtë të vitit të kaluar. Sipas parashikimeve të Bankës, ky trend i remitancave do të vazhdojë edhe në pesë vitet e ardhshme. Po ashtu, edhe në Projektbuxhetin e Kosovës për vitin 2015 është parashikuar që niveli i këtyre dërgesave të jetë stabil dhe të përcjellë trendët e rritjes së deritanishme. Sipas statistikave, 43 për qind e qytetarëve të Kosovës kanë anëtarë të familjes që jetojnë jashtë vendit./kosova sot/