Remi: Thaçi, Limaj dhe Krasniqi do të jenë bashkë

Anëtari i Kryesisë së PDK-së, Rrustem Mustafa, duke iu referuar zhvillimeve të fundit brenda kësaj partie, ka vlerësuar se Hashim Thaçi, Fatmir Limaj dhe Jakup Krasniqi nuk mund të funksionojnë pa njëri- tjetrin.

“Nuk mund t’i shoh të ndarë këto t’ri figura. Nuk e di kohën, por jam shumë i sigurt se Thaçi, Limaj dhe Krasniqi do të jenë bashkë”, ka deklaruar Mustafa për gazetën Epoka e re.

Ai ka thënë se është koha që këto tri figura të komunikojnë mes vete. “Përfundimi më i logjikshëm për mua do të ishte që njerëzit e paknaqur brenda PDK-së, të cilët nuk kanë ikur nga kjo parti, të ftohen dhe të diskutohet me ta në mënyrë që të arrihen përfundime të caktuara dhe të ecin së bashku”, është shprehur Mustafa./Indeksonline/