Remi jep detaje për shoqërimin e tij nga Specialja: S’kishin ndonjë interesim pos telefonit

Rrustem Mustafa, i njohur me nofkën Remi gjatë luftës, ka dhënë detaje në lidhje me shoqërimin e tij nga Gjykata Speciale.

Përmes një shënimi në Facebook ai ka thënë se nga personeli i Speciales është shoqëruar për në selinë e EULEX-it ku i është marrë telefoni.

“Sonte rreth orës 20:00 para shtëpisë time më janë prezentuar hetuesit e Gjykatës Speciale të Kosovës me një urdhër nga prokuroria e Gjykatës Speciale për kontroll të telefonit. Gojarisht më shpjeguan se duhet të bëjmë një bisedë zyrtare në zyre të Eulexit”.

Ish-komandanti i Zonës Operative të Llapit nuk ka pasur vërejtje nga sjellja e personalit të Speciales gjatë këtij shoqërimi derisa tashmë gjendet ne shtëpi.

“Personeli nga Gjykata Speciale janë sjellur me respekt. Në zyre të Eulexit më është sekuestruar telefoni im dhe posa është bërë kjo kontrollë pa asnjë interesim shtesë nga ana e tyre, ka përfunduar biseda dhe tani gjendem në shtëpi”, shkroi ai./Telegrafi/