Rektori Zejnullahu “i pamëshirshëm”, s’ka paga të dyfishta për mjekët

Rektori i Universitetit të Prishtinës, Ramadan Zejnullahu, ka marrë vendim që asnjë profesor të mos marrë dy paga.

Vendimi i rektorit po e konsiderohet i ngutshëm. Mjekët profesorë pranojnë të marrin vetëm një pagë, por se duhet tu paguhen edhe orët mësimore, e po ashtu edhe puna mjekësore.

Nga 37 klinika e institute të QKUK-së, 20 janë me drejtorë profesorë, të cilët këtë shqetësimin e tyre e kanë ngritur tek Bordi i Drejtorëve.

Ky trup parashihet ta formojë një grup punues nga institucionet relevante e ku do të diskutohet në detaje kjo çështje.

Ndërkohë, vetë mjekët e afektuar, pritet që të martën ta mbajnë një takim për t’i diskutuar hapat e mëtejmë.

Për këtë problematikë Klan Kosova nuk ka arriti të kontaktojë rektorin Ramadan Zejnullahun, i cili sipas vartësve të tij, është i vetmi që mund të jap sqarime për vendimin e pagave. /Klan Kosova/