Rektori mat “forcat” me senatorët

Këshilli Drejtues (KD) i Universitetit të Prishtinës “Hasan Prishtina” nuk është mbledhur të martën. Ky Këshill nuk është mbajtur për shkak të mungesës së kuorumit. “Në mungesë të kuorumit Këshilli nuk ka mbajtur mbledhjen, pasi që kanë qenë prezentë jo më shumë se tre veta”, thotë një burim i gazetës “Zëri” nga Rektorati.

Për të parin e UP-së, rektorin Ramadan Zejnullahu, kjo nuk është shqetësuese.

Ai ka mohuar se Këshilli nuk është mbledhur dhe, sipas tij, punët në UP po shkojnë mirë. Zejnullahu thotë se Këshilli Drejtues ka shkuar në pushim dhe tash nuk do të mblidhet deri në shtator. Rektori Zejnullahu ka mohuar edhe një bojkot që mund të vijë nga Senati i UP-së.

Sipas tij, Senati do të mblidhet para 1 gushtit të këtij viti dhe do të diskutohet rreth konkursit publik për pranimin e studentëve të rinj në UP./zeri/