Rektori Hajrizi viziton kompaninë lidere MEDIKA për bashkëpunime në teknologjitë mjekësore

Lisbona – Gjatë vizitës së tij në Portugali, Rektori i UBT-së, Prof. Dr. Edmond Hajrizi, zhvilloi një takim të rëndësishëm me përfaqësuesit e kompanisë MEDIKA, një nga liderët evropianë në teknologjitë e avancuara për pajisjet dhe gazrat mjekësorë.

Gjatë takimit, Prof. Hajrizi u prit nga CEO i kompanisë, z. Nuno Andrade, një inxhinier i njohur në fushën e aparateve mjekësore, me të cilin diskutoi për mundësitë e bashkëpunimit në fusha të përbashkëta të kërkimit dhe zhvillimit teknologjik.

Palët shkëmbyen ide mbi mënyrat inovative për të përmirësuar shërbimet shëndetësore dhe për të integruar zgjidhje moderne që avancojnë kujdesin ndaj pacientëve.

Ky bashkëpunim pritet të sjellë kontribute të rëndësishme në zhvillimin e teknologjive mjekësore dhe të forcojë lidhjet.