Rektori Hajrizi viziton dhe arrin marrëveshje bashkëpunimi me universitetin më të mirë italian, “La Sapienza”

Gjatë qëndrimit të tij në Romë, rektori i UBT-së, prof. dr Edmond Hajrizi ka vizituar universitetin më të madh në Itali, “Sapienza University of Rome”, me ç’rast u takua me udhëheqësit e këtij institucioni.

Ata janë pajtuar për fillim të një bashkëpunimi me përfitim të dyanshëm, teksa senati i universitetit italian e ka aprovuar dhe mirëpritur një marrëveshje të tillë.

Palët janë marrë vesh që menjëherë të fillojnë projektet konkrete në fusha të ndryshme, nga të cilat do të përfitojnë më së shumti studentët.
Për nisjen e këtij bashkëpunimi ka dhënë kontribut të çmuar profesori Roberto Capata, i cili kohë më parë ka ligjëruar në UBT.

Sapienza University of Rome është një universitet kërkimor me seli në Romë të Italisë.
“La Sapienza” është një nga universitetet më të mëdha evropiane për nga numri i studentëve dhe një nga më të vjetrit në histori, i themeluar në vitin 1303.

Matësit e cilësisë e kanë renditur këtë institucion si të parin në renditjen kombëtare të Italisë dhe në atë të Evropës Jugore./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).