Rektorati i UP’së: Përjashtimi i Kosovës nga AKA, goditje e rëndë për arsimin

Përmes një komunikatë për media të dërguar nga Rektorati i Universitetit të Prishtinës, bëhet e ditur se dje është mbajtur konferenca e rektorëve. Si pikë kryesore u bisedua për përjashtimin e Kosovës nga Agjencia e Akreditimit nga regjistri Europian për Siguri dhe Cilësi. Rektorati, pos shqetësimit që mbajnë për përjashtimin e Kosovës nga kjo agjenci, ata kërkojnë që Qeveria të ndërmarrë hapa urgjentë për ta riparuar dëmin e shkaktuar

“Ne jemi shumë të shqetësuar me vendimin për përjashtimin e Agjencisë Kosovare të Akreditimit nga Regjistri Evropian për Sigurimin e Cilësisë (EQAR) në Arsimin e Lartë, duke e konsideruar këtë hap si një goditje të rëndë për arsimin e lartë në Republikën e Kosovës”, thuhet në komunikatën për media nga Rektorati.

Por, ata thonë se besojnë se “Qeveria e Kosovës do të ndërmarrë hapat e duhur me urgjencë për ta riparuar dëmin e shkaktuar. Njëherësh, ne si Konferencë e Rektorëve shprehim gatishmërinë që të ndihmojmë në këtë proces”, thuhet ndër të tjerash.