Rekord: Koncert në lartësi mbi 13 mijë metra

Koncertit iu gëzuan 128 pasagjerët, ndërsa ishte organizuar në bashkëpunim të “Comic Relief” dhe kompanisë “British Airways”.

Yjet e muzikës të viteve ’80-a, Kim Wilde (52) dhe Tony Hadley (52), kanë shënuar rekord botëror, duke kënduar në një koncert për 22 minuta në një lartësi mbi 13 mijë metra në bordin e një aeroplani pasagjerësh “Boeing 767”.

Koncerti u mbajt në një lartësi të tillë për qëllime bamirësie, duke rrëzuar rekordin e mëparshëm të këngëtarit britanik, James Blunt, i cili kishte kënduar për 15 minuta në një aeroplan që fluturonte në një lartësi prej 12.285 metrash në vitin 2010.

Koncertit iu gëzuan 128 pasagjerët, ndërsa ishte organizuar në bashkëpunim të “Comic Relief” dhe kompanisë “British Airways”. Në kuadër të projektit “Flying Start“ në tre vjetët e fundit janë mbledhur 4 milionë funte.(albinfo)