Rekord i ri për Dua Lipën

Ylli botëror i muzikës, Dua Lipa, ka vendosur një tjetër rekord në muzikë. Këngëtarja shqiptare 23-vjeçare është e para femër në histori që ka tri këngë të cilat janë dëgjuar mbi 800 milionë herë në “Spotify”, përcjell “Zëri.info”.

Dua e ka arritur këtë rekord me këngët “New Rules”, “One Kiss” dhe IDGAF. Dua Lipa nuk ka publikuar një këngë të re prej muajsh, por më herët ka njoftuar fansat se është duke punuar me albumin e ri dhe shumë shpejt do të publikojë projektet e reja.

Në muajin shkurt Dua u bë e para shqiptare që fitoi dy çmime “Grammy”, ngjarja më e rëndësishme muzikore në SHBA.

Pa dyshim se bukuroshja shqiptare është njëra prej këngëtareve me ngritjen më të madhe dhe më të shpejtë në botë dhe me të drejtë është njëra nga yjet më të popullarizuar për momentin./ZERI