Rekomandim për vjeljen, ruajtjen e frutave të arrës

Nga Nehat Salihu – Vjelja e arrës është proces përfundimtar i cili aplikohet pas pjekjes se frutave, vjela bëhet me dorë dhe mënyrë mekanizuar

Pastrimi i arrës pas vjeljes

Heqja e lëvores së gjelbër (gëzhojës), duhet bërë menjëherë pas vjelës, sepse nëse qëndron gjatë, dëmton ngjyrën e guaskës dhe bërthamës.

Nëse moti është pa shi, frutat munden të qëndrojnë pa u pastruar deri 48 orë, nëse ka reshje shiu duhet të pastrohen frutat brenda 24 orëve, sepse frutat e lagur nga reshjet e shiut fillojnë të myken e kalben.

Pastrimi i frutave : mund të përdoret ujë i rrjedhshëm ose makina larëse për arra, për të larguar mbetjet e lëvores.
Pastrimi i frutave të dëmtuara: ndahen frutat e dëmtuara, të mykura etj

Tharja e arrës

Qëllimi: ulja e lagështisë në 8% për t’u ruajtur gjatë.

Mënyrat e tharjes

Natyrale: shtrihen në shtresë të hollë (5–10 cm) në vend me ajrim të mirë, pa rreze të drejtpërdrejta të diellit në kohe 7–10 ditë.

Mekanike: tharëse me ajër të ngrohtë (30–40°C) për 24–48 orë. Kjo metodë është më e kontrolluar dhe ruan ngjyrën e bërthamës.

Kontrolli i tharjes: kur guaska çahet lehtë dhe bërthama ndahet mirë nga guaska, lagështia është e përshtatshme për ruajtjen e arrës.

Ruajtja e arrës

Me guaskë

Magazinë e thatë, me temperaturë 0–10°C dhe lagështi relative 65–70%
Mund të ruhen deri 12 muaj pa humbje cilësie.

Pa guaskë (thelbi)
Ruhet në kavanoza qelqi ose qese hermetike.
Frigorifer: deri 6 muaj.
Ngrirje (–18°C): 1–2 vjet.

Këshillë: shmang kontaktin me dritë, ajër dhe aroma të forta.

Me këto procese të ruajtjes së arrës sigurohet, ngjyra e artë e bërthamës se arrës, çmim i lartë në treg.
Arra është një nga frutat më të pasura me vlera ushqyese dhe përdoret si super ushqim. Për vlerën ushqyese, dobitë për organizmin dhe ruajtjen e arrës kemi paraqit më poshtë shkrimin.

1. Vlera ushqyese (për 100 g arra të thata, pa guaskë)

Kalori 654 kcal
Proteina 15–16 g
Yndyra të shëndetshme: 60–65 g (shumica janë acide yndyrore të pangopura)
Omega 3 – 2.5 g
Omega 6
Karbohidrate – 13–14 g
Fibrat – 7 g
Vitaminat
Vitamina E, B6, folat

Materiet mineralet:

Magnez, fosfor, kalium, zink, bakër, mangan

2. Dobitë për organizmin.
   Shëndeti i zemrës – ul kolesterolin e keq (LDL), mbron enët e gjakut.
   Truri – përmbajtja e lartë me omega-3 përmirëson kujtesën dhe funksionin e trurit.
   Imuniteti – vitamina E, zinku dhe antioksidantët forcojnë mbrojtjen e organizmit.
   Pesha trupore – megjithëse ka kalori të larta, ndihmon në ngopje dhe rregullim metabolizmi.
   Diabeti – yndyrnat e shëndetshme stabilizojnë nivelin e sheqerit në gjak.
   Kockat – kalciumi, magnezi dhe fosfori ndihmojnë në forcimin e kockave.

Msc i Bujqësisë, Nehat Salihu