Rejda Isufi e para në festivalin mbarëkombëtar për fëmijë të mbajtur në Ferizaj

Gjilan – Gjilanasja Rejda Isufi zuri vendin e parë me këngën “Duaje tënden”, realizuar nga Hysni Klinaku.

Të enjten në mbrëmje në festivalin mbarëkombëtar për fëmijë të mbajtur në Ferizaj, gjilanasja Rejda Isufi ka arritur të zërë vendin e parë.

I njohur si Festivali “Fëmijët e gëzuar”, Rejda Isufi e cila është 9 vjeçare dhe shkon në klasën e katërt në shkollën fillore “Gjergj Fishta” në Prishtinë, por që është nga Gjilani ka treguar performancë të jashtëzakonshme.

Me këndim ajo ka nisur të merret qysh në moshën 5 vjeçare dhe është paraqitur në shumë festivale anembanë vendit ku edhe ka fituar disa çmime.

Ndryshe kënga e titulluar “Duaje tënden” është realizuar nga këngëtari i njohur Hysni Klinaku./rajonipress/