Reinhardt: Thaçi e urrente kur Rugova ia hidhte tymin në fytyrë

Ish komandanti i KFOR-it, gjenerali gjerman Klaus Reinhardt është kthyer në Kosovë ku ka mbajtur një ligjëratë në Kolegjin ISPE.

Gjatë bashkëbisedimit me studentët, Reinhardt ka treguar disa nga historitë e tij gjatë shërbimit në Kosovë.

Ai tha se pritja që i ishte bërë në vitin 1999 kur hyri në Kosovë duke u prirë forcave ushtarake gjermane, ishte e jashtëzakonshme. Por duket se atij i ka mbetur diçka merak:

“U habita kur më puthnin në faqe. Por puthjet m’i jepnin meshkujt e jo femrat”, tha gjenerali.

Ai tregoi edhe një detaj kur ish presidenti Rugova dhe kryeministri Thaçi nuk shpërfilleshin mes veti kur ishte në pyetje politika.

“Rugova pinte cigare shumë dhe e hidhte tymin në fytyrën time dhe te Thaçit, i cili e urrente këtë”, ka thënë gjenerali gjerman.

Ai foli edhe për situatën në veri, për të cilën pa përmendur emër akuzoi një shtet që nënkuptohej të ishte Franca. Ai tha se ndarjen e bëri një shtet në mënyrë të qëllimshme.

“Ndarja e Mitrovicës erdhi si pasojë e politikes ndërkombëtare, ndërsa unë si ushtarak ndonëse tentova ta hapë dy herë kutinë e pandores për ta zgjidhur ketë problem nuk isha i fuqishëm për ta parandaluar ketë, tha ish komandanti i KFOR-it në Kosovë”, Klaus Reinhardt. (ORAinfo)