Regjisori gjilanas Durim Kryeziu po korr suksese me filmin ”Sonata”

Gjilan – Durim Kryeziu shpreson që filmi do të pranohet edhe në shumë festivale dhe do të fiton shumë çmime sepse filmi po pëlqehet nëpër botë.

Tema e filmit “Sonata”është dashuria, ndërsa ideja është një lidhje dashurie në mes dy personaliteteve tërësisht të kundërt me karaktere dhe kërkesa karshi përditshmërisë, edhe e rastësishme prodhon pakënaqësi të cilat sa shkon e fryhen duke kaluar në probleme të cilat pothuajse nuk kanë zgjidhje meqë personazhet atakojnë njëri tjetrin duke krijuar barriera dhe shtruar pyetjen: Çfarë është dashuria.?! Çfarë është martesa.? Sa zgjasin këto.? A mund të sherohën me kohë, me vjet, me muaj, me ditë, ne orë, normal që zgjedhjen secili e afron nga këndvështrimi dhe karakteri shprehet regjisori Durim Kryeziu.

Në muajin e parë të aplikimit filmi është pranuar në disa festival si:
– “Balkan Film Food Festival” ne Pogradec – Shqipëri,
– “River film festival” në Italy
– “Three cities film festival and Conference që organizohet në tre vende NewYork City (May 16th), Santo Domingo, Dominican Republic (May 20), Los Angeles, CA (May 23rd),
– San Francisco Film Awards
– “INTERNATIONAL EUROFILM FESTIVAL” në Spanjë.

Durim Kryeziu shpreson që filmi do të pranohet edhe në shumë festivale dhe do të fiton shumë çmime sepse filmi po pëlqehet nëpër botë.

Shpërblimi i parë për filmin “SONATA” është nga festivali San Francisco Film Awards me shpërblimin “Honorable mention”. Ky shpërblim i jepet filmbërësve që kanë potencial dhe duan t`i inkurajojnë që të vazhdojnë të bëjnë filma.

Kryeziu tha se filmi është realizuar në kuadër të Fakultetit të Arteve, Universiteti i Prishtinës dhe produksioni Land film’s me mbështetje nga QKK dhe Komuna e Prishtinës.

”Sonata” është film i bazuar mbi novelën e njohur të shkrimtarit të madh Leon Tolstoy ”Sonata e Kruizerit”. Çdo intervencë është bërë për atë që ta tokëzojmë në rrethana dhe modele të logjikës së perceptimit të gjërave në Kosovë.

Në film luajnë: Labinot Lajçi, Albulena Kryeziu, Armend Baloku, Selman Lokaj, Çun Lajçi, Selami Taraku, Vlora Nikçi, Doresa Rexha, Mevlyd Osmani, Leandra Ajdini.

Regjisor: Durim Kryeziu, Skenari: Ben Apolloni, Durim Kryeziu, Drejtor i fotografisë: Rron Ismajli, Kompozitor: Memli Kelmendi, Tonisti: Agron Demolli, Kostumografe: Greta Maksuti, Skenografet: Lumjeta Havolli, Agron Blakqorri. Grimi: Albana Berisha, Leonora Mehmetaj./rajonipress/