Nga Demir Krasniqi – Parodi humoristiko – satirike
Kërkoj rrugën e shpëtimit ,
Ndiej refrenin e mjerimit –
Bahet mirë, bahet mirë ,
Hajt se bahet mirë !
Zgjidhet ndërrohet Qeveria –
Rritet terri e papunësia !
Bahet mirë , bahet mirë ,
Hajt se bahet mirë !
Durojnë populli nga uria ,
Nëpër botë na ikë rinia !
Bahet mirë , bahet mirë ,
Hajt se bahet mirë !
Janë mbushë rrugët me lypsarë ,
Fëmijë jetima si hamallë !
Bahet mirë, bahet mirë ,
Hajt se bahet mirë !
Vdesin njerëzit për ilaçe ,
Mbushë lokalet me helaçe !
Bahet mirë , bahet mirë ,
Hajt se bahet mirë !
Ikë rinia nga shkollimi ,
Marrin rrugë degjenerimi !
Bahet mirë , bahet mirë ,
Hajt se bahet mirë !
Pensionistët janë tha e terë ,
S’ ju troket askush në derë !
Bahet mirë, bahet mirë ,
Hajt se bahet mirë !
Jetojnë njerëzit pa kulm mbi kokë ,
Fukaraja janë shtri për tokë !
Bahet mirë, bahet mirë ,
Hajt se bahet mirë !
Për çdo ditë shkollat shkatërrohen ,
Kurrë për nxënës nuk riparohen !
Bahet mirë, bahet mirë ,
Hajt se bahet mirë !
Shiten fabrika e xeherore ,
Pa bukë n’ gojë klasa punëtore !
Bahet mirë, bahet mirë ,
Hajt se bahet mirë !
Shumë doktorë kanë ble Rengelin –
Para kohës ta bien exhelin !
Bahet mirë, bahet mirë ,
Hajt se bahet mirë !
Prej një sëmundje – t’i bajnë pesë ,
Me reçeta – njëzet e pesë !…
Bahet mirë, bahet mirë ,
Hajt se bahet mirë !
Me diploma falsifikate –
T’ shtinë ndër brisk e t’ bajnë sallatë !…
Bahet mirë, bahet mirë,
Hajt se bahet mirë !
Liderët tanë i ka marrë pusi –
Po frikohen prej Statusi !
Bahet mirë, bahet mirë ,
Hajt se bahet mirë !
Po s’e mbolle arën me grurë –
Mos prit kot , se s’ bahet kurrë !
Mbille t’ mirën , korre vet ,
Se e mira kurrë s’ vjen vet !
Po s’ ndërtove vet shtëpi –
Do t’ jesh rob e qiraxhi !
Mos rri n’ gjumë, more i shkretë ,
Se shtëpia s’ ndërtohet vet !
Thuaj gjumit lamtumirë ,
Se me gjumë nuk bahet mirë !
Puno drejt , thuaj me dëshirë –
E bajmë mirë, e bajmë mirë !
Gjilan, më 18 . 02. 2006 .
Demir KRASNIQI
