Reforma e gatshme për dy javë

Komisionit për Legjislacion do t’i mjaftojnë vetëm dy javë punë që të kryejë të gjitha pikat e kontestuar sa i përket Ligjit për Zgjedhjet e Përgjithshme, dhe të njëjtën ta dërgojë menjëherë për votim në Kuvend. Komisioni është autorizuar të enjten nga Kuvendi që punën e mbetur nga komisioni paraprak ta përfundojë.

Kryetari i Komisionit, Arben Gashi, ka thënë se ai menjëherë ka futur në agjendë për mbledhjen e së hënës çështjen e reformës zgjedhore. Aty sipas tij do të diskutohet çështjet e mbetura ndërsa është shprehur i bindur se me konsensus të përgjithshëm ligji i ri mund të hartohet për më pak se dy javë ndërsa i njëjti në dy lexime mund të hyjë brenda muajit shkurt.

“Komisioni do t’i adaptojë vërejtjet që janë identifikuar nga komisioni paraprak, do ta draftojë komplet ligjin e ri dhe të njëjtin ta dërgojë në lexim të parë, më pas mes dy leximesh do të shohim nëse ka mbet ndonjë shqetësim politik apo çfarëdo lloj problemi për ta proceduar edhe në lexim të dytë. Nëse ka mos pajtime mes anëtarëve atëherë do të shkojmë me dy amendamente dhe më pas seanca do të vendosë se cili duhet të kaloië”, ka thënë Gashi…(Tribuna)