Recital i Çamit

Nga Atdhe Geci

U flas nga ky shkëmb me gjoks të çarë
Çamëria nuk e humb shpirtin e as gjakun
as të sotmen në shkuarje dhe në ardhje
kjo tokë gjysmë prush dhe gjysmë flakë
është Çamëria, Shqipëria deri në Prevezë

Në Çamëri nuk ka vetëm kroje uji e det
as vetëm male vetëtimash e bubullimash
Çamëria ka histori të Trojës e me Trojën
bijë Çamërie qenë Odiseu, Akili e Pirro.
Dora Epirit për mija vjet armiqtë i luftoi

Po sot në Çamëri kemi një dielli të zënë.
Forca Çamërisë është, sa është Shqipëri,
sa është Dardani, Mollë e kuqe e Iliridë
Atdhe, nga nëna çame u lind Zeusi ynë
Nëna çame e lindi e i dha sisë Eleuterit
Nëna çame e lindi dhe Pirron e historisë

Vëllëzër, në Greqi Çamërinë po e vrasin
në Çamëri, nuk ka asnjë shkollë shqipe
gjuha dhe flamuri atje janë të burgosur
Tre Drina, rrjedhin nëpër tokë t`atdheut
Të tre Drinat bartin flamuj të ndryshëm
Tre Drinat, flasin me pasaportë mes veti
Tre Drinat, i thërrasin ndërgjegjes sonë,
Çamë, Çamëria s´lypet! Çamëria merret!…

Atdhe Geci – Dortmund, Gjermani, 2021