Realizohen projekte madhore në Kamenicë falë motit të mirë

Kamenicë – Puna e vazhdueshme në asfaltimin e rrugëve në fshatra dhe qytet vazhdon pa pengesa falë motit të mirë që po mbretëron këtyre ditëve. Ditëve të vikendit u asfaltuan edhe disa rrugë, në vendbanimet, Koretin, Hodonoc dhe në qytetin e Kamenicës.

Rruga e asfaltuar te lagja “Makaj” , si edhe më parë e asfaltuar te xhamia e re në Koretin janë realizuar në kuadër të projektit : “Asfaltimi i rrugëve lokale në qytet dhe fshatra me pjesëmarrje të MAPL-së, komunës dhe komunitetit. Gjatësia e rrugës te lagja “Makaj” është 575 m. gjerësia(4 -3m), varësisht nga gjendja e rrugës. Realizimi i këtij projekti ka kushtuar 28.432,34 euro, komuniteti ka marrë pjesë me 5.582.00. Punimet janë kryer nga Kompania “Zuka Komerc” thanë zyrtarët komunal në Kamenicë.

Sipas këtyre zyrtarëve projektit tjetër i asfaltimit të rrugëve në qytet dhe fshatra të financuara nga buxheti komunal edhe me pjesëmarrje të qytetarëve, ka përshirë 21 miniprojekte , ku janë paraparë 284.791,92 euro.

Po ashtu asfaltimi i rrugëve ”Rexhep Ahmeti” në Kamenicë në lagjen “Çamëria” dhe rruga te Haxhi Ilmija në Hodonoc janë pjesë e këtij projekti. Gjatësia e rrugës “Rexhep Ahmeti” është 242 m, gjerësia( 4- 2.50 m).

Kjo rrugë ka kushtuar 12.968,68 euro. Ndërkaq rruga në Hodonoc ka një gjatësi prej 68m ndërsa gjerësia 3 m. Realizimi ka kushtuar,3.588,46 euro. Punimet janë realizuar nga Kompania “Varna Komerc”./rajonipress/