Realizimi i projektit të lumit “Mirusha” kushton rreth 8 milion euro

Gjilan – Qemajl Mustafa duke ju referuar shpronësimeve komunale thotë për rajonipress se obligimet aktuale ndaj të gjitha shpronësimeve në komunë arrijnë në 1.3 milion euro. Kurse vetëm tek lumi “Mirusha” deri tani janë paguar 1.5 milion euro dhe deri në fund duhet të paguhen edhe 2 milion euro të tjera.

I tërë projekti i lumit “Mirusha” i financuar nga Qeveria e Kosovës dhe Komuna e Gjilanit pritet të kushtojë rreth 8 milion euro. Kështu thotë për rajonipress Qemajl Mustafa.

Sipas Mustafës projekti i lumit “Mirusha” vetëm për shpronësimin e pronarëve kushton rreth 3. 5 milion euro derisa për realizimin e tij duhen rreth 4.5 milion euro.

Mustafa thotë se obligimet aktuale ndaj të gjitha shpronësimeve në komunën e Gjilanit janë rreth 1.3 milion euro, por këto mjete nuk janë vetëm të lumit “Mirusha”.”Ne kemi paguar deri më tani tek lumi “Mirusha”, 1.5 milion euro dhe deri në fund duhet të paguhen edhe 2 milion të tjera, pasiqë prona është vlerësuar dhe pritet që të formulohen vendimet dhe tu dërgohen pronarëve” ka sqaruar Mustafa.

Mustafa tha se komuna aktualisht në të gjitha kodet ka borxhe rreth 1.6 milion euro pa i llogaritur edhe shpronësimet./rajonipress/