Reali e do Januzajn

Real Madridi duket mjaft seriozisht i interesuar për Adnan Januzajn. E përditshmja spanjolle “Marca” shkruan se “Los Blancos” ia kanë vënë syrin talentit kosovar, pas sezonit fantastik në debutim që e pati ai me Manchester Unitedin.

Gjithnjë sipas kësaj të përditshmeje, e afërt me klubin spanjoll, kampioni evropian i ka bërë gati 40 milionë euro, të cilat planifikon t’i shpenzojë për përfaqësuesin belg, nëse “Djajtë e Kuq” vendosin ta shesin atë.

Januzaj u rezistoi ofertave të Bayern Munich, Juventus, Manchester City dhe PSG sezonin e kaluar, duke nënshkruar kontratë pesëvjeçare me klubin nga Old Trafford.

Mirëpo, një ofertë nga Real Madrid, klubi më i madh në histori të futbollit, mund t’ia ndërrojë mendjen futbollistit nga Istogu, i cili e zgjodhi Belgjikën para opsioneve tjera si Anglia, Shqipëria, Kosova dhe Turqia.

Madje, Januzaj mund të debutojë sot në Botëror me Belgjikën, edhe pse nuk pritet të stërtojë nga minuta e parë ndaj Algjerisë.