Januzaj ka probleme me gjurin e djathtë dhe nuk është ftuar për ndeshjen me Real Betis.
Përmes një njoftimi në sajtin zyrtar, Real Sociedadi ka bërë të ditur se mesfushori shqiptar, Adnan Januzaj, ka probleme me gju dhe do të mungojë për sfidën me Betisin, transmeton Gazeta Express.
Sociedad shpjegon se ky lëndim erdhi në përballje me Zenitin në Europa League, ku lojtari ka vërejtur se nuk shkon diçka me të tre orë pas ndeshjes.
“Pas ndeshjes me Zenitin, rreth tre orë më vonë, lojtari ndjeu dhimbje të forta në gjurin e djathtë. Ai ka probleme me miniskusin e jashtëm”.
“Plani është që lojtari të bëjë pushim dhe të merret me ushtrime fizike. Data e rikthimit do mësohet varësisht se si shkon rikuperimi i Januzaj. Ky informacion është publikuar me pajtimin e lojtarit”, shkruhet në njoftimin e Sociedad.
Januzaj do të mungojë në sfidën e nesërme që Real Sociedadi e zhvillon me Real Betis. /Gazeta Express/
