Real Madridi kërkon zëvendësues për Benzeman, në krye të listës Vedat Muriqi

Real Madridi po kërkon një zëvendësues për Karim Benzeman, i cili po shfaqe shqetësime me dëmtime në kohën e fundit, ndërsa në listën e mbretërve është edhe Vedat Muriqi.

Fituesi i Topit të Artë aktualisht nuk ka një zëvendësues dhe Los Blancos kanë zgjedhur të vënë bast për të riun Endrick, sulmuesin brazilian të lindur në vitin 2006 në pronësi të Palmeiras.

Megjithatë, futbollisti do të mbërrijë në tokën spanjolle vetëm kur të mbushë 18 vjeç dhe deri atëherë madrilenët nuk kanë rezervë të Benzemas.

Sipas portalit spanjoll ElGolDigital, klubi po mendon për një futbollist ekspert, të gatshëm dhe me kosto të ulët.

Kandidati i parë është Vedat Muriqi që po shkëlqen te Mallorca këtë sezon.

Për shitjen e tij është e interesuar edhe Lazio që mban ende 45 për qind të rishitjes së lojtarit.

Mallorca mendohet se e vlerëson sulmuesin e tyre rreth 20 milionë euro, ndërsa më pak se 10 milionë euro do të hynin në arkat e Lazios./Telegrafi/