Reagon Vatra: Luta i jep zyrën e Preshevës një bashkëvendësi të tij

Gjilan – Si është e mundur që në mesin e mbi 30,000 banorëve të dëbuar nga Kosova Lindore që jetojnë në Gjilan, të mos gjendet as edhe një njeri i vetëm që t`i plotësojë kushtet për të drejtuar zyrën për Preshevë, Bujanoc dhe Medvegjë, dhe të emërohet një bashkëvendës i Lutfi Hazirit, nga Gjilani thuhet në reagimin e Kushtrim Kadriut.

Reagimi i plotë

Me sa duket, z. Haziri, duke parë reagimet e shpeshta të z. Jonuz Hasanit, i cili e akuzonte z. Hazirin se e kishte mashtruar dhe i kishte shkaktuar telashe të mëdha me partinë nga e cila doli, emëroi aty vetëm sa për t’ia mbyllur gojën.

Por, a di z. Hasani të merret me këtë çështje, a i njeh dhe sa i njeh problemet e Luginës dhe të luginasve? Kjo lë shumë për të dëshiruar, pasiqë z. Hasani, kur u emërua nuk e dinte as ku është kjo zyre, e lëre më diçka tjetër.

Haziri, si duket veproi me kartën e djegies së z. Hasanit, pasi që, së pari e ndau nga subjekti i tij dhe tani i jep një përgjegjësi që nuk mund ta mbaj. Çështja e zyrës për PBM u ngrit edhe nga anëtari i Kuvendit Komunal javën e kaluar Ibish Ibishi G2, ku u kërkua zgjidhje e duhur dhe e drejtë sepse është e pa mundur nga një numër kaq i madh i të dëbuarve që jetojnë në Gjilan të mos gjendet as një që i plotëson kushtet për ta drejtuar këtë zyre.

Ne, luginasit, jemi të indinjuar me këtë emërim pasi që shumë e shumë intelektualë nga Lugina janë të papunë, ndërsa u gjet dikush një tjetër të merret me problemet e tyre thuhet në reagimin e Kushtrim Kadriut kryetar i LQV në Gjilan./rajonipress/