Reagon opozita: Më në fund një punë e hajrit nga Prokuroria Themelore në Gjilan

Gjilan – Kemi dy vite që si opozitë kemi ngritur fuqishëm zërin, për kaosin urbanistik dhe qindra objekte të ndërtuara pa leje. Të gjithë qytetarët e Gjilanit e shihnin këtë kaos, përveç kryetarit të komunës, i cili nga “Balloni” nuk e shihte këtë problem serioz mu në qendër të qytetit dhe para shtëpisë së tij ka thënë Riad Rashiti.

Rashiti ka shkruar se koha e drejtësisë mund edhe të vonohet shumë, por nuk ka qare pa ardhë. “Së shpejti do të vijnë dorëheqjet e zyrtarëve komunal dhe drejtorëve komunal…ose suspendimi dhe shkarkimi i tyre nga pozitat udhëheqëse. Ne besojmë dhe jemi të sigurt se drejtësia do të vije edhe ndaj përgjegjësit kryesor të komunës Lutfi Haziri, i cili është duke u hetuar për shkelje tjera ligjore”.

Me këtë rast duhet vlerësuar punën e institucionit të drejtësisë, Prokurorisë Themelore nē Gjilan ka thënë Rashiti./rajonipress/