RCCOLA

Reagon O’Connell: Vendet e Quint-it nuk kërkuan formimin e qeverisë së re pa zgjedhje, rifillimi i dialogut është në interes të Kosovës

/ 2 minuta lexim

Ambasadori i Britanisë së Madhe në Kosovë, Ruairí O’Connell, ka reaguar ndaj deklaratave të publikuara në media se vendet e Quintit po kërkojnë formimin e qeverisë së re pa zgjedhje.

O’Connell në Facebook ka shkruar se rifillimi i dialogut dhe përfundimi i një marrëveshje gjithëpërfshirëse është në interes të Kosovës dhe të gjithë rajonit.

“Çështja se a do të ketë zgjedhje apo jo është krejtësisht për Kosovën.

Kam lexuar ‘komentuesit’ që pretendojnë se deklarata e Quintit ishte një thirrje për formimin e një qeverie të re pa zgjedhje. Pse shtypi publikon gjera të pakuptimta, edhe pa na pyetur se çfarë mendojmë ne? Nuk është çudi që qytetarët e Kosovës shpesh ndjehen të keqinformuar. Por rifillimi i dialogut dhe arritja e një marrëveshje gjithëpërfshirëse është në interes të Kosovës dhe të gjithë rajonit. Kjo është arsyeja pse miqtë tuaj duan që të përgatiteni për të biseduar seriozisht sa më shpejt të jetë e mundur”, ka shkruar ambasadori O’Connell.

Fidanishtja

Qeveritë e Francës, Gjermanisë, Italisë, Britanisë së Madhe dhe Shteteve të Bashkuara të Amerikës i kanë bërë thirrje Kosovës dhe Serbisë që menjëherë të rifillojnë dialogun e udhëhequr nga Bashkimi Evropian.

Vendet e Quint-it, përmes një komunikate, kanë kërkuar nga Kosova dhe Serbia të shmangin veprime që do të pengonin një marrëveshje përfundimtare, që siç thuhet, “është e nevojshme për të dyja vendet për të arritur integrim më të madh euro-atlantik dhe përfitimet përcjellëse”.

Ata theksojnë se një gjë të tillë, mund ta bëjnë vetëm kur palët të japin shenja të gatishmërisë për kompromis, për heqjen e pengesave dhe rifillimin e bisedimeve. /Telegrafi/