Reagon Elhaida Dani: Nuk jam fejuar me italianin
RajoniPress
08:11, 4 Janar, 2015
Këngëtarja e njohur, Elhaida Dani ka mohuar zërat në disa medie që kanë spekuluar për fejesën e saj më 27 dhjetor.
Në një reagim në “Facebook”, këngëtarja shkodrane shprehet se statusi i saj është i pandryshuar, ndërsa thekson se nuk dëshiron të jetë pjesë e medias rozë.
Mediet kanë shpërndarë një foto të Danit me italianin 34-vjeçar, Francesco Maria Longo. Pak ditë më parë, Elhaida u shpall fituese e festivalit të 53-të të RTSH-së dhe po përgatitet për përfaqësimin e saj në Eurovizion, në Vjenë të Austrisë.
Mesazhi i Elhaida Danit
Fejesa dhe martesa jane hapa te rendesishem ne jeten e gjithsecilit, por nuk arrij te kuptoj perse media ka vendosur qe ajo qe ka bere nje hap te tille kohet e fundit jam une.
Kur te vendos te bej kete hap te rendesishem do jem une e parà qe e ndaj me ju, por per momentin me vjen mire t’ju sqaroj qe statusi im vazhdon te jete i pandryshuar.
Ju lutem mjaft me kete lajm jo te vertete, nuk kam deshiruar asnjehere te jem pjese e Medias Roze dhe vazhdoj te kem te njejten deshire.
Faleminderit shume !
Elhaida Dani
