Reagon deputetja Bunjaku: E turpshme për Alban Hysenin të largoj nga puna një profesioniste shembull

Gjilan – Kryetarit të Komunës së Gjilanit sikur nuk i mjaftoi skandali i konkursit për arsim, duke u punësuar familjarët e militantëve të LVV-së. Nuk i mjaftoi as angazhimi i militantëve në kabinetin e tij edhe me kontrata në vepër në institucionet lokale. Tash nuk paska vend për Shqipe Kastrati-Hazirin për psikologe në DKA, e cila ka përvojë gati dy dekada në menaxhim në arsimin parashkollor dhe në Drejtorinë Komunale në Arsim. Zonja Kastrati-Haziri ka përvojë dhe është profesioniste, është nënë e tre fëmijëve dhe grua shembull. Është e pafalshme të degradohen profesionistet si Kastrati-Haziri, pavarësisht kush vjen në pushtet ka shkruar deputetja Valentina Bunjaku Rexhepi.

“I bëj thirrje Kryetarit të Komunës ta ndalë këtë praktikë të largimit të profesionistëve me motive partiake, kurse të gjitha profesionisteve u jap zemër t’i shkojnë gjer në fund mbrojtjes së të drejtave të tyre. E turpshme” ka shkruar Bunjaku./rajonipress/