Reagojnë profesionistët, Gjilani po e humbë zemrën e qytetit, po shkatërrohet hapësira gjelbëruese

Gjilan – Selvije Mustafa Shefkiu arkitekte thotë se sipërfaqet gjelbëruese paraqesin mushkëritë e qytetit, ide kjo e cila me të madhe qarkullon nëpër botën e civilizuar duke tërhequr vëmendjen për një ndërgjegje të zgjuar humane. Çudi po kujt i shkoi ndermen për me e shkaterru edhe këtë pak sipërfaqe gjelbëruese që ekziston dhe me ngarkue qendrën me rrugë me 4 korsi!!?

Postimi i plotë i Selvije Mustafa Shefkiu

Posaçërisht kjo mënyrë e zhvillimit të qytetit në përgjithësi ka qitur në dritë laramani të konsiderueshme në aspektin e ndërtimit dhe zhvillimit ambiental, me zona, hapësira e rrugë të stërngarkuara dhe në këtë mënyrë ka krijuar një pamje të keqe dhe një identitet negativ arkitektural dhe urbanistik. Kur është në pyetje qendra e qytetit të Gjilanit, ku takohen dhe zhvillohen varietete aktivitetesh, vete shtrirja dhe pozita e qytetit me arteriet rrugore nëpërmes, frekuentimi i lartë i automjeteve, si dhe gatishmëria e qytetarëve për të përdorë ato në mënyrë të pa kontrolluar, duke mundësuar kështu prodhimin e dioksid karbonit në nivele shumë më të larta nga ato të cilat sipërfaqet e mbjellura me drunj do të mund të absorbonin.

Sipërfaqet gjelbëruese paraqesin mushkëritë e qytetit, ide kjo e cila me të madhe qarkullon nëpër botën e civilizuar duke tërhequr vëmendjen për një ndërgjegje të zgjuar humane. Çudi po kujt i shkoi ndermen për me e shkaterru edhe këtë pak sipërfaqe gjelbëruese që ekziston dhe me ngarkue qendrën me rrugë me 4 korsi!!?

Me siguri jo profesionistët! Po deklarohet që po luftohet me virusin Covid-19!!!, përkundrazi me shkatërrimin e kësaj hapësire gjelbëruese u ngulfatën mushkrit e qytetit ka shkruar arkitektja Selvije Mustafa Shefkiu./rajonipress/