RDK viziton Luginën!

“Lugina e shtypur”, kështu është quajtur konferenca e cila u mbajt dje në Bujanoc, e organizuar nga #zeropozitive, në bashkëpunim me Rininë Demokratike të Kosovës, dega në Gjilan.

Erlehta Osmani kryetare e rinisë tha se RDK-ja e Gjilanit, bashkë me kryesinë e qendrës, kemi takuar kryetarin e Këshillit Kombëtar të Shqiptarëve, Shukri Imerin, kryetarin e Bujanocit, Shaip Kamberin, kryetarin e Partisë Demokratike të Shqiptarëve, Ragmi Mustafën, si dhe të rinjtë e partive shqiptare të Luginës.

Po ashtu, kemi bërë homazhe pranë varrit të veprimtarit të shquar të Luginës, Jonuz Musliut.

Sot, ishte një ditë e veçantë, një ditë e cila të mbush me motiv për të vazhduar këtë rrugëtim që kemi nisur shkroi Erlehta Osmani.

Ndërsa Gentian Nevzati – zëdhënës i RDK tha se pas takimeve, me të rinjtë, shokët tanë të Luginës, kemi zhvilluar një shëtitje në sheshin e Preshevës, me të rinjtë e këtij qyteti. Ne, rinia kudo që jemi, ndjejmë përgjegjësinë edhe të secilit institucion, për të kontribuar, për të ecur tutje çështja e interesit nacional, si të drejtat themelore të njeriut, zhvillimi ekonomik dhe mënjanimi i çdo lloj margjinalizimi.

Qytetarët e Luginës, nuk mund të jenë vetëm, përball situatave të reja në Ballkan, aq më pak ndaj sfidave që imponon Serbia ndaj tyre si në arsim, njohja e diplomave, punësimi në nivelin qendror e lokal, përfaqësimi politik dhe institucional i shqiptarëve dhe çështje tjera që rikonfirmojnë vullnetin e të gjitha shteteve për fqinjësi të mirë dhe reciprocitet.

Ne, përkrahim fuqishëm interesin e qytetarëve të Luginës, në veçanti të rinisë së Luginës dhe do të jemi gjithmonë së bashku thuhet në njoftimin e Gentian Nevzati – zëdhënës i RDK për media./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).