RC Cola Drita rikthehet në Superligë pas 7 vite
RajoniPress
19:17, 22 Prill, 2021
Basketbollistët e RC Cola Dritës pas 7 vitesh gara në Ligën e Parë, kanë arritur të rikthehen në Superligën e basketbollit të Kosovës.
Gjatë garave të rregullta RC Cola Drita kishte pësuar vetëm një humbje duke dëshmuar kualitetet e saja në këtë ligë.
“Bardhekaltërtit” e Dritës në ndeshjen e parë finale kanë mposhtur Istogun poashtu, ndërsa edhe në ndeshjen e dytë të zhvilluar në Istog kanë mposhtur vendësit me rezultat 65:84.
RC Cola Drita vetëm në çerekun e parë ishte në disavantazh me rezultat 22:19, ndërsa tre çerekët tjerë i fitoi me rezultat 10:19,12:21 dhe 21:25.
Më të dalluarit tek Drita ishin Barmore me 24 pikë, 6 kërcime, 5 asistime, Memeti me 20 pikë, 14 kërcime dhe 4 asistime, ndërsa tek Istogu më të dalluarit ishin Shabani me 14 pikë, 16 kërcime dhe Peaj me 13 pikë dhe 5 kërcime.
“Bardhekaltërtit” e RC Cola Dritës në fund u stolisën me Kupën e fituar dhe me medalje.
Sidoqoftë qytetit të Gjilanit po i rikthehet basketbolli që i ka munguar tani e 7 vite, në emër të redaksisë “Rajoni Press”, RC Cola Dritës i urojmë rikthimin e saj në mënyrë triumfale në Superligë./rajonipress/
