Basketbollistët e RC Cola Drita në ndeshjen e parë të gjysmëfinales të playoff-it, ka mposhtur skuadrën nga kryeqendra e Prishtinës, Marigona Hill me rezultat 88:82, duke bërë një hap të rëndësishëm drejt inkuadrimit në Superligën e Kosovës në basketboll.
RC Cola Drita kampionatin në Ligën e Parë e ka përfunduar nga 18 ndeshje të zhvilluara ka pësuar vetëm një humbje, duke u renditur si lidere e kësaj lige, ndërsa Marigona Hill ishte e renditur në pozitën e katërt me 11 fitore e 7 humbje.
Në gjysmëfinalen tjetër takohet Istogu e AS Prishtina për tu inkuadruar në Superligën e Kosovës, skuadra e cila fiton finalen në mes këtyre katër skuadrave inkuadrohet në Superligë, ndërsa finalisti i cili humb takohet me në Play-Out me Trepçën e Mitrovicës.
Basketbollistët e RC Cola Dritës në takimin e parë të gjysmëfinales nuk e patën lehtë për ta mposhtur skuadrën nga Prishtina, Marigona Hill.
Në çerekun e parë në një ndeshje të baraspeshuar mysafirët e përfunduan me rezultat 21;23, poashtu edhe në çerekun e dytë mysafirët e përmbyllin me rezultat 17:27 në këta dy çerek basketbollistët RC Cola Dritës treguan lojë të dobët duke i dhënë mundësi kundërshtarit të zbatojnë lojën e tyre.
Në çerekun e tretë basketbollistët “bardhekaltër” tregojnë kualitetin e tyre duke e përmbyll me 35;11.
Çereku i katërt basketbollistët e përmbyllin me rezultat 15:21, në fund të takimit “bardhekaltërtit” ishin ata të cilin e përmbyllën ndeshjen me rezultat 88:82.
Në radhët e RC Cola Dritës më i dalluari ishte Xzavier Barmore i cili shënoi 21 pikë 2 kërcime e një asistë, i ndihmuar nga Arian Memeti i cili shënoi 16 pikë, 20 kërcime e 5 asiste.
Në radhët e mysafireve më të dalluarit ishin Arbnor Haliti me 30 pikë 3 kërcime e 1 asistë, i ndihmuar nga Ilir Hasani 23 pikë, 11 kërcime e 4 asiste./rajonipress/
