Raste të shpeshta të dhunës në familje në Anamoravë, arrestime në Gjilan e Artanë

Gjilan – Viktima femër kosovare ka raportuar se pas një mosmarrëveshje verbale, përmes mesazheve është kanosur nga i dyshuari mashkull kosovar i cili është arrestuar dhe pas intervistimit me vendim të prokurorit është dërguar në mbajtje.

Edhe në Artanë viktima femër kosovare ka raportuar se i dyshuari mashkull kosovar pas një mosmarrëveshje i ka shkaktuar dhunë fizike dhe psikike. I dyshuari është arrestuar dhe me vendim të prokurorit, është dërguar në mbajtje.

Kurse në Gjilan është arrestuar i dyshuari kosovar për shkak se kishte kanosur disa persona dhe kishte demoluar gjësende nëpër shtëpi. I dyshuari pas intervistimit me vendim të prokurorit është dërguar në mbajtje njoftoi policia e Kosovës./rajonipress/