Rasim Vllasaliu hap ekspozitën personale “Retrospektivë”

Gjilan – Profesori i Artit Pamor, Rasim Vllasaliu, në Galerinë e Artit në Gjilan, në praninë e shumë qytetarëve, artistëve, profesorëve e familjarëve, ka hapur ekspozitën personale e titulluar ‘Retrospektivë’ .

Krijuesi Pamor – Grafik, Rasim Vllasaliu në këtë ekspozitë ka paraqitur 60 punime të krijuara përgjatë 40 viteve edhe atë në teknikat grafike, vizatime, dizajnë i tekstilit dhe dizajnë grafik.

Për këtë ekspozitë tani e një kohë të gjatë kishte interesim jashtëzakonisht të madh, kjo u vërtetua edhe në hapjen e kësaj ekspozite.

Për punën e Rasim Vllasaliut shumë nga të pranishmit të cilët morën fjalën e rastit u thanë fjalë miradie, duke theksuar se në grafikat e tij vërehen mjeshtëria e niansave tonale, vija sipërfaqja, struktura, ritmi në përgjithësi, ndërsa dritë -hija si dukuri e natyrës.

Krijuesi Pamor- Grafik, profesori Rasim Vllasaliu në fjalën e tij para të pranishmëve duke i falënderuar për ardhjen e tyre në këtë ekspozitë, Vllasaliu në pika të shkurta e ka përmbledhë krijimtarinë e tij duke falënderuar të gjithë kolegët dhe profesorët e tij që kanë kontribuar për të arriturat e tij. Në këtë ekspozitë ishte edhe drejtori për Kulturë, Rini e Sport./rajonipress/

Shpërndaje.
© RAJONIPRESS