RCCOLA

Rashiti: Tronditjet e pushtetit komunal të VV-së në Gjilan, do të jenë të afërta, por jo të papritura

/ 2 minuta lexim

Gjilan – Pas intervistimeve nga ana e hetuesisë ndaj kryetarit të komunës dhe disa prej drejtorëve komunal, ne presim ngritjen e aktakuzave për veprat e rënda dhe të faktuara që kanë të bëjnë me keqpërdorimet e buxhetit komunal është shprehur Riad Rashiti nga PDK e Gjilanit.

Rashiti për rajonipress thotë se qeverisja e VV-së në Gjilan është futur në moçalin e degradimeve në çdo sektorë institucional.

Uji Dea

“Shkeljet e panumërta të ligjeve në akte të veprave penale, keqpërdorimet e mëdha të buxhetit komunal, nepotizmi në punësime dhe subvencione, keqmenaxhimet e dhjetëra milionave euro të buxhetit për projekte kapitale, e deri te ngacmimet seksuale në shkollat e komunës tonë, duhet të jenë pjesë e prioriteteve në agjendën e punës së hetuesisë dhe prokurorisë themelore në Gjilan. Drejtësia duhet të bëjë punën e saj për të ndalur degradimin ligjor dhe institucional kudo në komunën e Gjilanit. Pas shumë denoncimeve publike për shkelje të jashtëzakonshme të ligjeve dhe procedurave të prokurimit, besojmë se hetuesia dhe prokuroria kanë iniciuar hetimet për rastet e dyshuara dhe të faktuara që kanë të bëjnë me vepra penale, të bëra nga zyrtarët e lartë të komunës deri te kryetari i Gjilanit” thotë Rashiti.

“Nuk mendoj se prokuroria në Gjilan po heshtë, por është tepër ngadalë duke i trajtuar disa nga rastet e paraqitura kohë më parë nga PDK dhe subjektet tjera politike. I takon kryeprokurorit që të ruaj pavarësinë e këtij institucioni dhe që mos të lejojë të parin e komunës, të joshë akterët e drejtpërdrejtë që merren me rastet konkrete të hetimeve, përmes interesave të ndryshme për të mbyllur rastet e ngritura për vepra penale. Pas intervistimeve nga ana e hetuesisë ndaj kryetarit të komunës dhe disa prej drejtorëve komunal, ne presim ngritjen e aktakuzave për veprat e rënda dhe të faktuara që kanë të bëjnë me keqpërdorimet e buxhetit komunal. Tronditjet e pushtetit komunal të VV-së në Gjilan, do të jenë të afërta, por jo të papritura” tha Rashiti./rajonipress/