Rashiti: Thaçi si president do ta ketë të vështirë ta ndihmojë Mustafën

Analisti Naim Rashiti tha se opozita do të vazhdojë protestat për rrëzimin e pushtetit. Ai thotë se Thaçi si president do ta ketë vështirë ta ndihmojë Mustafën në ballafaqimin e përditshëm me opozitën dhe kjo e bën Mustafën më të lëndueshëm.

“Opozita besoj që do të vazhdojë protestat dhe do të tentojë rrëzimin e pushtetit, Thaçi do ta ketë vështirë ta ndihmojë Mustafën në ballafaqimin e përditshëm me opozitën dhe kjo e bën Mustafën më të lëndueshëm”, tha Rashiti në Zona B të Klan Kosovës.

“Opozita nuk e fsheh idenë që do ta degjitelimojnë procesin e zgjedhjes së Hashim Thaçit si president”.

“Nëse Thaçi do të vazhdojë të jetë i involvuar politikisht do të gabojë edhe më shumë pasi ai duhet të japë dorëheqje totale nga politika. As sistemi e as partitë opozitare nuk janë të gatshme për zgjedhje sot”, tha ai.

“Perëndimi ka provuar vazhdimisht ta shpartallojnë opozitën ose ta izolojnë VV, por një akter politik nuk izolohet e VV është subjekt politik, i cili është dashur të sjellet pak më ndryshe, por është faktor”.

Rashiti tha se Haradinaj në Dukagjin akuzohet se nuk krijoi kushte për futjen në Qeveri, “humbja e zgjedhjeve lokale e dëmtoi shumë”

“LDK ka treguar se e ka zgjeruar ndikimin nga qendra përmes pushtetit lokal. Thaçi është I përcaktuar të futet në procedurë për president, votat i ka pasi deputetët e PDK e LDK nuk janë në gjendje të sakrifikojnë mandatin për shkak të mosvotimit të tij. Mustafa ka kontroll të zgjeruar në parti e në mesin e deputetëve”.