Rashiti: Të hetohet Fondi për ndërtimin e shtëpive, ka mungesë transparence

Gjilan – Riad Rashiti këshilltar komunal nga PDK-ja në seancën komunale që po mbahet sot ka kërkuar që ti bëhet një hetim Fondit humanitar për ndërtimin e shtëpive në vlerë të 200 mijë euro. PDK ka dyshime rreth këtij fondi i cili askund nuk po figuron në buxhetin komunal.

Riad Rashiti tha se është mirë të dihen donatorët sepse ka mungesë të informacioneve. “Nuk kemi asnjë informacion për Fondin e ndërtimit të shtëpive. Kemi dyshime serioze për këto 200 mijë euro dhe për menaxhimin e tyre. Pse po mbahet sekret ky fond sepse ka qenë nën logon e komunës dhe ky fond nuk figuron në buxhetin e komunës” tha Rashiti.

Si PDK kërkojmë të hetohet ky fond meqë janë para të qytetarëve të Gjilanit dhe për qytetarët e Gjilanit tha Rashiti./rajonipress/