Rashiti: Sot, nuk po kërkoj një detyrë të re, por kërkoj besimin tuaj për të udhëhequr me dinjitet dhe përkushtim

Gjilan – Platforma jonë nuk është thjesht listë premtimesh. Ajo është një kontratë e hapur mirëbesimi me të gjithë ju, e ndërtuar mbi parimet e transparencës, barazisë, profesionalizmit e zhvillimit të qëndrueshëm ka shkruar Riad Rashiti.

Postimi i plotë:

Të dashur qytetarë të Gjilanit,
Me përulësi dhe përgjegjësi, ju drejtohem si kandidat për Kryetar të Komunës së Gjilanit, i vetëdijshëm për sfidat e mëdha, e pritjet e juaja.
Unë nuk i jam imponuar politikës, por për vite me radhë jam munduar të ndërtoj një profil të qëndrueshëm e profesional në shërbim të interesit publik.

Kam pasur nderin të jem në shërbimin tuaj si drejtor komunal, këshilltar i Kuvendit Komunal, e pjesë aktive e shumë proceseve të rëndësishme vendimmarrëse.
Kjo përvojë më ka dhënë njohuritë e nevojshme për funksionimin e komunës, sfidat reale në terren dhe domosdoshmërinë për t’u qasur ndryshe ndaj nevojave tuaja.

Sot, nuk po kërkoj një detyrë të re, por kërkoj besimin tuaj për të udhëhequr me dinjitet dhe përkushtim.

Platforma jonë nuk është thjesht listë premtimesh. Ajo është një kontratë e hapur mirëbesimi me të gjithë ju, e ndërtuar mbi parimet e transparencës, barazisë, profesionalizmit e zhvillimit të qëndrueshëm.

Qytetarë të nderuar,
KOHA e zhgënjimeve duhet të marrë fund.
KOHA është për ndryshim.
E për këtë NA DUHESH edhe TI! ?