RCCOLA

Rashiti: Rritja e çmimit nga “Eko-Higjiena” për grumbullimin e mbeturinave është i kundërligjshëm dhe i papranueshëm

/ 2 minuta lexim

Gjilan – Partia Demokratike e Kosovës, ditëve në vazhdim do të iniciojë thirrjen e seancës së jashtëzakonshme të Kuvendit Komunal në Gjilan, për të diskutuar dhe anuluar rritjen e çmimit të “Eko-Higjienës”, prej 5 euro në 6.5 euro, si dhe për implementimin e investimeve nga partneri austriak ka shkruar Riad Rashiti.

Reagimi i plotë:

Shkelja e marrëveshjes së PPP në mes komunës së Gjilanit dhe partnerit austriak është e patolerueshme. Përveç që nuk janë realizuar investimet e parashikuara në kontratën e nënshkruar prej 1.5 mil euro, është bërë njëanshëm edhe futja në pagesë për amvisëritë e familjeve të dëshmorëve dhe veteranëve të UÇK-së edhe pse e kemi diskutuar këtë çështje me kompaninë “Eko-Higjiena”.

Eco Higjiena

Edhe rritja e tarifës për grumbullimin e mbeturinave është plotësisht në kundërshtim me marrëveshjen, kontratën dhe rregulloren e Kuvendit Komunal të Gjilanit, neni 38.1. Nuk mund të tolerohet shkelja e vazhdueshme e marrëveshjes me “Eko-Higjienën”, e ligjeve dhe rregullores së KK Gjilan.

Partia Demokratike e Kosovës, ditëve në vazhdim do të iniciojë thirrjen e seancës së jashtëzakonshme të Kuvendit Komunal në Gjilan, për të diskutuar dhe anuluar rritjen e çmimit të “Eko-Higjienës”, prej 5 euro në 6.5 euro, si dhe për implementimin e investimeve nga partneri austriak.