Rashiti: Rexhep Mala, Nuhi Berisha e Kadri Zeka do të mbesin misionarët e lirisë, dhe mësuesit se si i dilet zot vendit

Gjilan – Flakadanët e këtyre ditëve po ndizen kudo, për ta ndriçuar e kujtuar historinë e lavdishme të sakrificës për liri të heronjëve Rexhep Mala, Nuhi Berisha e Kadri Zeka ka shkruar Riad Rashiti.

Postimi i plotw:
Përkujtimi për ta na e jep krenarinë e brezave, dhe obligimin e përjetshëm patriotik për përulësinë ndaj veprës së tyre sublime, e cila na e mundësoi të mësojmë se asgjë dhe askush nuk duhet si atdheu.

Emrin e Rexhepit, Nuhiut e të Kadriut, i kemi respektuar dhe nderuar edhe në kohërat më të rënda, sepse ata sot e asaj dite mbesin amaneti i gjeneratave të reja, gjakimi dhe kujtimi nëpër faqe librash, enciklopedish, nëpër këngë e poezi.

Rexhep Mala, Nuhi Berisha e Kadri Zeka do të mbesin misionarët e lirisë, dhe mësuesit se si i dilet zot vendit, se si ndryshohen dhe përmbysen rendet e padrejtësisë edhe në kohët e mbijetesës së kombit.

Nderim përjetë heronjëve dhe veprës së tyre të pavdekshme!