Gjilan – Punë me dinamikë të shtuar, për të finalizuar disa nga investimet e vonuara në projektet kapitale, në mënyrë që buxheti i këtij viti të shfrytëzohet sa më mirë dhe mos të barten në suficit për vitin tjetër ka shkruar Riad Rashiti.
“Jo pak pengesa kemi në realizimin me kohë, të këtyre investimeve në projekte kapitale.
Sot bashkë me disa nga drejtorët dhe zyrtarët financiar të komunës së Gjilanit, u zotuam që për këto pak javë të mbetura deri në afatin ligjor të shfrytëzimit të buxhetit për këtë vit, prioritet i yni në angazhimet tona të përbashkëta, të jetë angazhimi në përshpejtimin e procedurave për të maksimalizuar shfrytëzimin e kohës së mbetur deri më 31 tetor kur është afati i fundit ligjor për zotim të mjeteve për investime kapitale” ka shkruar Rashiti./rajonipress/
