Gjilan – Roli i komunave duhet të jetë më i madh edhe në ndarjen e zonave të tatimit në pronë në zonat urbane dhe rurale, si dhe duhet të jenë pjesëmarrëse aktive në vlerësimin e pronave të qytetarëve. Pas rritjes së vlerësimit të pronave në Kosovë, normat e tanishme të tatimit në pronë janë të larta dhe jo të përshtatshme me gjendjen aktuale të ekonomisë së vendit. Kjo e bën të vështirë për qytetarët të paguajnë tatimin e tyre në kohë, duke krijuar probleme të mëtejshme për komunat në mbledhjen e të ardhurave ka thënë Riad Rashiti.
Postimi i plotë:
Në takimin e organizuar nga Asociacioni i Komunave të Kosovës, u diskutuan shumë çështje që janë me rëndësi të veçantë për komunat e Kosovës.
Në fokus ishin diskutimet për ndryshimet e ligjit të tatimit në pronë, ku nga të gjitha komunat e Kosovës përveç tjerash u kërkua që në ndryshimin e këtij ligji të ulët norma e tatimit në pronë, ku pastaj secila komunë përcaktohet dhe miraton normat e tatimit për qytetarët e vet.
Roli i komunave duhet të jetë më i madh edhe në ndarjen e zonave të tatimit në pronë në zonat urbane dhe rurale, si dhe duhet të jenë pjesëmarrëse aktive në vlerësimin e pronave të qytetarëve.
Pas rritjes së vlerësimit të pronave në Kosovë, normat e tanishme të tatimit në pronë janë të larta dhe jo të përshtatshme me gjendjen aktuale të ekonomisë së vendit. Kjo e bën të vështirë për qytetarët të paguajnë tatimin e tyre në kohë, duke krijuar probleme të mëtejshme për komunat në mbledhjen e të ardhurave.
Ne do të bëjmë të gjitha përpjekjet e nevojshme për të përmbushur kërkesat e qytetarëve dhe për të përmirësuar situatën aktuale.
