Rashiti: Me energji, përvojë dhe vizion të qartë, Burhan Isufi, kandidon me numër 13 në listën e PDK-së
RajoniPress
13:55, 31 Gusht, 2025
| 11 muaj më parë
Gjilan – Burhan Isufi, një kuadër i përgatitur me përvojë dhe angazhime në institucione, me plot energji dhe vizion për Gjilanin, është pjesë e garës për Kuvendin Komunal të Gjilanit ka shkruar Riad Rashiti.
Postimi i plotë:
Burhani ka përfunduar studimet në Universitetin e Prishtinës, në Fakultetin e Bujqësisë dhe Veterinarisë, drejtimi AgroEkonomi, ndërsa studimet master i ka vijuar në Universitetin “Kadri Zeka” në Gjilan, në drejtimin Shkencat Kompjuterike E-Qeverisje.
Në jetën politike dhe shoqërore ka qenë aktiv për shumë vite. Ai ka ushtruar funksionin e Kryetarit të Rinisë Demokratike në Gjilan, duke dhënë kontribut të rëndësishëm për fuqizimin e të rinjve deri në vitin 2017.
Karriera e tij profesionale përfshin përvojë në sektorin publik dhe privat. Për tre vite ka punuar në Ministrinë e Bujqësisë dhe Zhvillimit Rural, ndërsa për disa vite ka ushtruar detyrën e Drejtorit Ekzekutiv në NPL “Stacioni i Autobusëve” në Gjilan. Përveç kësaj, ai është i angazhuar edhe në sektorin privat, ku zotëron një biznes personal.
Me energji, përvojë dhe vizion të qartë, Burhani kandidon me numër 13 në listën e PDK-së për Kuvendin Komunal të Gjilanit.
Bashkë me Riad Rashitin për kryetar, ai është i gatshëm të vazhdojë punën për një Gjilan më të zhvilluar dhe më afër qytetarëve.
